Early Day Motion - House of Commons

MJAFT! INICION MOCIONIN PARLAMENTAR BRITANIK


Gjate takimit ne Parlamentin Britanik

English Version

Lëvizja MJAFT! dhe dega e saj Londineze, iniciojnë mocionin parlamentar britanik. Duke marrë nën konsideratë reformat e propozuara nëpërmjet ligjit për mediat në Kuvend, mocioni fton qeverinë shqiptare të garantojë që si Radio Televizioni Shqiptar, ashtu edhe Këshilli Kombëtar i Radios dhe Televizionit (KKRT) të jenë të pavarur nga çdo parti politike.

Pas vizitës së fundit të aktivistëve të Lëvizjes MJAFT! në Londër, nje grup parlamentarësh britanikë nënshkruajnë një mocion për lirinë e mediave në Shqipëri ku roli i Lëvizjes MJAFT! vlerësohet si vendimtar për një qeverisje të mirë në Shqipëri. Mocioni mbetet i hapur për firmat e deputetëve të tjerë.

Teksti i Mocionit

John Grogan

Deputetet qe kane firmosur deri sot:

"Ky kuvend, përshëndet transformimin e Shqipërisë në një vend anëtar të familjes demokratike të kombeve Europiane, siç shtë njohur edhe nga anëtarësimi në Këshillin e Europës që në vitin 1995; njeh rolin vendimtar të organizatave të shoqërisë civile në Shqipëri si Lëvizja MJAFT! në përpjekjet për një qeverisje të mirë; beson se zhvillimi i medias së lirë e të pavarur nga qeveria, është vendimtar për të ardhmen e Shqipërisë; dhe shpreson që duke marrë nën konsideratë reformat e propozuara nëpërmjet ligjit për transmetimin, qeveria shqiptare të garantojë që si Radio Televizioni Shqiptar, ashtu edhe Këshilli Kombëtar i Radios dhe Televizionit (KKRT) të jenë të pavarur nga çdo parti politike."

Rreth Mocioneve

Mocioni parlamentar është një mekanizëm zyrtar për të tërhequr vëmendjen e deputetëve rreth një çështjeje të caktuar duke ftuar edhe deputetët e tjerë t'a firmosin këtë dokument. Mocionet nuk kalojnë detyrimisht në debat parlamentar. Gjithashtu, deputetet mund t'i shtojnë amendamente një mocioni nëse shihet si e nevojshme.

Mocioni është një formë rezolute që shtrohet para parlamentit nga një deputet i cili kërkon mbështetjen e disa të tjerëve që janë të interesuar rreth çështjes nën konsideratë. Deputetët, emrat e të cilëve janë në krye të mocionit konsiderohen si sponzorë të këtij mocioni dhe gjatë javëve të ardhshme, dokumenti mbetet i hapur për firmat e deputetëve të tjerë.

Në këtë rast, mocioni për lirinë e mediave në Shqipëri është “sponzorizuar” nga Z. John Grogan, Z. David Chaytor, Z. John Austin dhe Z. Bob Laxton, anëtarë të Grupit gjithë-partiak për Shqipërinë në parlament. Iniciatori kryesor i këtij mocioni, Z. John Grogan mban gjithashtu funksionin e Kryetarit të grupit parlamentar për BBC-në.

Ky është mocioni i dytë që kalohet në parlamentin britanik për Shqipërinë. Në 1997, u kalua një tjetër mocion ( EDM 535 - 13.02.1997 ) ku dënohej ashpër mbështetja e dhënë prej grupit konservator ndaj regjimit të presidentit të atëhershëm shqiptar Z. Sali Berisha, politika ekonomike e të cilit kishte favorizuar skema të parregullta piramidale që po rezultonin në rrenimin ekonomik të qytetarëve shqiptarë.

Faqja zyrtare e parlamentit ku mund të lexoni tekstin origjinal të mocionit.